Birləşmiş Ərəb Əmirliklərinin (BƏƏ) hüquqi şəxsi olan “Globalnik Logistics Group Limited” şirkətinin Azərbaycandakı nümayəndəliyi ləğv olunur.

Bu barədə Aktor.Az ” Vergilər Nazirliyinə istinadən xəbər verir.

Məlumata görə, kreditorlar tələblərini Bakı şəhəri, Nəsimi rayonu, Səməd Vurğun küçəsi, 34 (“AF Mall Business Center”) ünvanına bildirə bilərlər.

Bu gün səhər saatlarında Bakı şəhərinin Nobel prospektində nəqliyyatın hərəkətində uzun tıxac yaranıb.

Prospektlə marşrut avtobusları və şəxsi avtomobilləri ilə hərəkət edən sərnişin və sürücülər bildiriblər ki, saat 08:00-dan başlayaraq prospektin “Nargilə” kafesi yerləşən hissəsindən şəhərin mərkəzinə doğru yolda avtomobillərin sıxlığı yaranıb. Bu da həmin hissədə avtomobillərin ləng hərəkət etməsinə səbəb olub.

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 94 dəfə pozub.

Bu barədə Aktor.Az-a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Voskevan kəndində və adsız yüksəkliklərdə, İcevan rayonunun Vazaşen, Paravakar kəndlərində yerləşən mövqelərdən Ağstafa rayonunun Köhnəqışlaq, Qazax rayonunun Qaymaqlı, Quşçu Ayrım, Bala Cəfərli kəndlərində, Berd rayonunun Mosesqex, Çinari kəndlərində və adsız yüksəkliklərdə yerləşən mövqelərdən Tovuz rayonunun Əlibəyli, Ağdam, Muncuqlu kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən Azərbaycan ordusunun mövqeləri atəşə tutulub.

Tərtər rayonunun işğal altında olan Göyarx, Çiləbürt, Yarımca, Ağdam rayonunun Tağıbəyli, Baş Qərvənd, Cəvahirli, Abdinli, Qaraqaşlı, Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qərvənd, Qaraxanbəyli, Kürdlər, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam və Xocavənd rayonları ərazisindəki adsız yüksəkliklərdə yerləşən mövqelərdən də Azərbaycan Silahlı Qüvvələrinin mövqeləri atəşə tutulub.

Bakı şəhəri və Abşeron rayonunun bir sıra kənd və qəsəbələrində elektrik enerjisinin verilişində fasilələr yaranıb. “Report” xəbər verir ki, kəsinti əsasən Abşeron rayonunun Masazır, Saray qəsəbələrində və Suraxanı rayonunun Hövsan və bir sıra kəndlərində qeydə alınıb.

“Azərişıq” ASC-nin mətbuat xidmətinin rəhbəri Tanrıverdi Mustafayev “Report”a açıqlamasında bildirib ki, elektrik enerjisi verilişindəki fasilə güclü külək və bütün sutka boyu davam edən yağışlarla bağlıdır: “Gecədən etibarən əməkdaşlarımız və texnikamız hadisə yerinə ezam edilib. Hazırda onlar problemin aradan qaldırılması ilə məşğuldur. Bir çox ərazilərdə yaranan qısa fasilə aradan qaldırılıb və abonentlər elektrik enerjisi ilə təmin edilib. Yaxın saatlarda həmin ərazilərdə də problemlər həll ediləcək”.

T.Mustafayevin sözlərinə görə, elektrik enerjisi ilə təchizatda fasilələr daha çox həyət evləri olan ərazilərdədir: “Ötən ilə nisbətən bu il çağrı mərkəzinə edilən zənglərin sayında azalma qeydə alınıb. Havanın küləkli və yağışlı keçməsinə baxmayaraq, abonentlərin müraciətləri barmaqla sayılacaq qədərdir”.