“Veysəloğlu” Avropada daha 3 tələbənin təhsilinə dəstək oldu
Təhsilə dəstək, savadlı və xüsusi istedadlı gənclərin yetişdirilməsi, onların qayğı ilə əhatə olunması və inkişafı “Veysəloğlu” şirkətlər qrupunun Korporativ Sosial Məsuliyyət (KSM) strategiyasında özünün prioritetliyini qoruyub saxlamaqdadır.
Şirkətdən Aktor.Az-a verilən məlumata görə, bakalavr təhsilini xüsusi fərqlənmə ilə bitirən tələbələrin seçimini aparan şirkətlər qrupu onların xaricdə təhsil alaraq, beynəlxalq təcrübə qazanmaları üçün lazımi köməkliyi göstərməkdə davam edir.
“Veysəloğlu” qrup Avropanın nüfuzlu universitetlərindən olan Turin Politexnik Universitetinin (Politecnico di Torino) neft və mədən mühəndisliyi ixtisası üzrə magistr təhsili alması üçün 3 istedadlı gəncə – Əlirza Orucov, Qasım Əlicanov və Cavid Salmanova dəstək olub.
Qeyd edək ki, şirkətin dəstək olduğu tələbələrdən biri Əlirza Orucov bir neçə innovativ layihələrin müəllifidir. O, “Şumsuz əkin”, “Təmiz ada” layihələri ilə bir neçə müsabiqənin qalibi olub.
