AzMİU-nun elmi jurnalı AAK-ın siyahısına daxil edildi
Azərbaycan Memarlıq və İnşaat Unversitetinin (AzMİU) “Tikintinin iqtisadiyyatı və menecment” jurnalı Azərbaycan Respublikasının Prezidenti yanında Ali Attestasiya Komissiyasının (AAK) rəsmi tanıdığı elmi nəşrlər siyahısına daxil edilib. Bu barədə Universitetdən Aktor.Az-a daxil olan məlumatda deyilir.
Jurnalın adı AAK-ın “Azərbaycan Respublikasında dissertasiyaların əsas nəticələrinin dərc olunması tövsiyə edilən dövri elmi nəşrlərin siyahısı”nın iqtisad elmləri bölməsində yer alıb.
Məlumat üçün qeyd edək ki, “Tikintinin iqtisadiyyatı və menecment” jurnalı AzMİU-nun “Xidmət sahələrinin iqtisadiyyatı və menecment” kafedrasının nəzdində nəşr olunur. Elmi jurnal 2015-ci ildə Ədliyyə Nazirliyində mətbu nəşrlərin reyestrinə salınıb.
