“Qarabağ”ın potensial rəqibi məlum oldu
Bu gün İsveçrənin Nyon şəhərində UEFA Çempionlar Liqasının pley-off mərhələsinin püşkü atılıb.Bu mərhələdə “Qarabağ”ın potensial rəqibi məlum olub.
Belə ki, “Qarabağ” üçüncü təsnifat mərhələsində BATE (Belarus) səddini keçərsə, növbəti mərhələdə Niderlandın “PSV Eyndhoven” klubu ilə qarşılaşacaq.
UEFA Avropa Liqasının pley-off mərhələsinə keçəcəyi təqdirdə “Qarabağ” “Şeriff” (Moldova) – “Valur” (İslandiya) cütünün qalibi ilə qarşılaşacaq. BATE ilə oyun avqustun 7-də, saat 21:00-da Tofiq Bəhramov adına Respublika stadionunda keçiriləcək və İsveçdən olan hakimlər idarə edəcək.
Qeyd edək ki, pley-off mərhələsinin oyunları 21-22 və 28-29 avqust tarixlərində keçiriləcək.