“BakuBus” dünya çempionatı izləyicilərinin xidmətində

“BakuBus” avtobusları dünya çempionatının izləyicilərinə xidmət göstərir. Şirkətin Mətbuat və İctimaiyyətlə əlaqələr şöbəsindən Aktor.Az-a verilən məlumata görə, “BakuBus” Məhdud Məsuliyyətli Cəmiyyətinə məxsus avtobuslar Bakıda keçirilən BMX velosipedi üzrə dünya çempionatı ilə əlaqədar Azneft Meydanı-Velopark ekspress marşrutu üzrə hərəkət edir.

Vətəndaşlar 5-6 iyun tarixlərində saat 7:00-dan 15:50-dək, 7 iyun tarixində saat 8:00-dan 15:50-dək, 8-9 iyun tarixlərində isə saat 15:00-dan 00:40-dək “BakuBus” avtobuslarından istifadə edə bilərlər.

Azneft Meydanı-Velopark ekspress marşrutu üzrə hərəkət edən “BakuBus” avtobuslarından istifadə pulsuzdur.