“Qafqaz triosu” xalqımıza olan dərin nifrətin təzahürüdür – Akif Məmmədov

Təbii ki, bir Azərbaycan vətəndaşı kimi Rüstəm İbrahimbəyovun ssenari müəllifi

olduğu “Qafqaz triosu” filminə baxdıqda çox sarsıldım. Demək olar ki, filmdə

Azərbaycanlılara qarşı nifrətini pik səviyyəsində çatdırıb. “Qafqaz triosu” filmində

Azərbaycan xalqını vəhşi, qəddar, mədəniyyətsiz kimi amma milli kökləri

olmayan erməniləri isə alicənab, sülhsevər kimi təqdim edən Rüstəm

İbrahimbəyovun azərbaycanlı olması faktı daha çox üzücüdür.Eyni üzüntünü

yazıçı Əkrəm Əylisinin “Daş yuxular” romanı ilə bağlı da keçirtmişdik.

 

Filmdə əsas məqsəd bizi qeyri-sivil, vəhşi millət kimi tanıtmaqla, “Qafqaz triosu”

filmində həqiqətə uyğun olmayan səhnələri əks etdirməklə, dünya tamaşaçısını

gerçək həqiqətdən yayındırmaqdır. Müəllif ciddi cəhdlə göstərməyə çalışıb ki,

Dağlıq Qarabaş münaqişəsinin kökündə ermənilərin türklərə və azərbaycanlılara

qarşı nifrəti, onların işğalçılıq iddiası deyil, məhz azərbaycanlıların ermənilərə

qarşı dərin nifrəti faktoru durur.Filmdə diqqət çəkən məqamlardan biri də

azərbaycanlı adına rol alan aktyorların məhz İbrahimbəyovun qohumlarının və

gürcü aktyorlarının olmasıdır.

 

Öz millətinə qarşı olan xainliyi, ermənilərə olan rəğbətinin olması Rüstəm

İbrahimbəyova erməni ruhunun aşılandığının açıq göstəricisidir. Əlbəttə ki,

ruspərəst və ermənipərəst bir kinossenaristdən bundan artığını gözləmək də

mümkün deyil.

 

Akif Məmmədov

Azərbaycan Su Təsərrüfatı İşçiləri Həmkarlar İttifaqı Respublika
Komitəsinin sədri