Nazirlik işçisi qəzada öldü
Ağdam rayonunda ölümlə nəticəsində ağır yol-nəqliyyat hadisəsi baş verib.APA-nın xəbərinə görə, hadisə rayonun Eyvazlı kəndi ərazisində baş verib. “VAZ 21015” markalı 90-XT-485 dövlət nömrə nişanlı avtomobil “Lada Priora” markalı 02-BM-892 dövlət nömrə nişanlı avtomaşınla toqquşub. Qəza nəticəsində bir nəfər ölüb, bir neçə şəxs isə ağır xəsarət alıb.
Ölən şəxsin VAZ-21015-in sürücüsü Mirzəyev Ramil olduğu müəyyənləşdirilib. Onun Mədəniyyət və Turizm Nazirliyinin Ağcabədi şöbəsinin işçisi olduğu bildirilir.
Qəza nəticəsində xəsarət alanlardan birinin şəxsiyyəti bəlli olub. O, “Lada Priora”nın sürücüsü, Quzanli kənd sakini Məhərrəmov Ceyhun Adil oğludur.
Qəzanın səbəbləri araşdırılır.
