“İnjuria” Hüquq Jurnalının təmsilçiləri potensial tərəfdaşları ilə görüş keçiriblər
“İnjuria” Hüquq Jurnalının redaksiya şurasının təmsilçiləri ilə Magen David International Center for Women və “Qadınların İnkişafına və Maariflənməsinə Dəstək” İctimai Birliyinin idarə heyətinin nümayəndələri arasında görüş keçirilib.
Tədbirdə cari ildə tərəflər arasında əməkdaşlıq perspektivləri və qarşıdan gələn 7 fevral 2024-cü il Azərbaycan Respublikasının Prezidentinin seçkilərində seçici qadınlar, xüsusilə də prezident seçkilərində ilk dəfə iştirak edəcək gənc xanımlar arasında seçki hüququnun realizəsi ilə bağlı birgə maarifləndirmə tədbirlərinin keçirilməsi ətrafında fikir mübadiləsi aparılıb.
