Sosial layihələrə pul ayrılır, ancaq istifadə edilmir – Millət vəkili
“Büdcə vəsaitlərinə nəzarət gücləndirilməlidir”.
Bunu Milli Məclisin bu gün keçirilən plenar iclasında Bütöv Azərbaycan Xalq Cəbhəsi Partiyasıının (BAXCP) sədri, millət vəkili Qüdrət Həsənquliyev deyib.
O qeyd edib ki, biz Hesablama Palatası yaradıb hesabatları dinləməklə işimizi bitmiş hesab edirik. Amma Milli Məclis büdcəni ciddi icra etməyənlərə nəzarət etməldir:
“Parlament büdcə vəsaitlərini düzgün icra etməyənlərlə bağlı ciddi cəza tədbirlərinin görülməsini təmin etməlidir: Büdcədən ayrılmış və istifadə olunmayan vəsaitlər məsələsi həll olunmalıdır. Sosial layihələrə ayrılan pullar bir çox hallarda icra edilmir. Bölüşdürülməmiş xərclər məsələsi də öz həllini tapmalıdır”.
Qüdrət Həsənquliyev bildirib ki, hökumət üzvlərinin burada olmasından istifadə edərək metrodakı sıxlıqla bağlı onları məlumatlandırmaq istəyir:
“Həm bununla, həm də nəqliyyat sıxlığının aradan qaldırılması üçün zəruri işlər görülməlidir”.
