KriminalSosialTəhsilXəbər xətti

Gəncədə məktəbli qız sinif yoldaşını bıçaqladı

Gəncədə məktəbli qız digər qız sinif yoldaşını bıçaqlayıb.

Hadisə 8 nömrəli şəhər tam orta məktəbində qeydə alınıb.

İlkin məlumata görə, 2007-ci il təvəllüdlü 9-cu sinif şagirdi həmcinsi olan sinif yoldaşına bıçaqla xəsarət yetirib. 15 yaşlı qızın sinif yoldaşına boyun və kürək nahiyəsindən 2 zərbə vurduğu bildirilir.

Məsələ ilə bağlı DİN-in Mətbuat Xidmətinin Gəncə regional qrupunun baş inspektoru Eşqin Qasımov “Qafqazinfo”ya bildirib ki, hadisə ilə bağlı Gəncə Şəhər Baş Polis İdarəsinə məlumat daxil olub: “Polis əməkdaşları dərhal hadisə yerinə gedərək araşdırmalara başlayıblar. Məktəbliyə öz sinif yoldaşı olan digər qız şagird tərəfindən xəsarət yetirilməsi məlum olub. Hazırda araşdırma aparılır. Nəticədən asılı olaraq, məsələyə hüquqi qiymət veriləcək”.

Qeyd edək ki, xəsarət alan məktəbli xəstəxanaya yerləşdirilib. Vəziyyəti orta ağır qiymətləndirilir.