İctimai Şura sədri Reinteqrasiya üzrə İşçi Qrupunun iclasında

Dövlət Miqrasiya Xidməti yanında İctimai Şuranın sədri Azər Allahverənov Reinteqrasiya üzrə İşçi Qrupunun videoformatda keçirilən 10-cu iclasında iştirak edib.Şura sədri bunları diqqətə çatdırıb:

“Dövlət Miqrasiya Xidməti yanında İctimai Şuranın sədri olaraq, Reinteqrasiya üzrə İşçi Qrupunun videoformatda keçirilən 10-cu iclasında iştirak etdim. Keçmiş təcrübəmə əsaslanaraq, müzakirələr zamanı xarici ölkələrdə qeyri-müəyyən vəziyyətdə yaşayan Azərbaycan Respublikası vətəndaşlarının readmissiya sazişləri əsasında readmissiyasının bir çox aspektləri barədə danışdım və bu sahədə mövcud çağırışlar barədə məlumat verdim. Konkret olaraq bildirdim ki, readmissiya olunmuş şəxslərin yaşayış yeri, səhiyyə, məşğulluq, sosial müdafiə, təhsil və digər sahələrdə üzləşdikləri çətinlikliklər beynəlxalq tərəfdaşların və milli donorlar hesabına həll edilə bilər ki, bu da qarşıdan gələn 2022-ci ildə həmin müstəvi və istiqamətdə ciddi addımların atılmasını zəruri edir. Keçmiş fəaliyyətlər zamanı əldə olunmuş təcrübə bu kimi məsələlərin həllində xüsusilə nəzərə alınmalıdır ən azından o səbəbdən ki, 2021-ci ilə nisbətdə növbəti ildə daha çox insanın Azərbaycana readmissiya olunacağı artıq gözlənilən faktdır. Yeri gəlmişkən, etdiyim çıxışda səsləndirdiyim bir çox fikirlər Dövlət Miqrasiya Xidmətinin rəis müavini, III dərəcəli dövlət miqrasiya xidməti müşaviri Elman Əliyev tərəfindən yüksək dəyərləndirilib və bildirilib ki, qaldırdığım məsələlərə Reinteqrasiya üzrə işçi qrupunun fəaliyyəti zamanı həssaslıqla yanaşılacaqdır”.

Share: