Məmurların oğlanları niyə gedib  müharibədə döyüşmədilər? – Qazi jurnalist

“Ad çəkmək istəməzdim, amma Tağı Əhmədovun, Ziya Məmmədovun, Misir Mərdanovun və digər məmurların məgər oğlanları yoxdur? Varsa niyə gedib  müharibədə döyüşmədilər? Hesab edirəm ki, onların övladlarının  hərbi xidmətdə qeydiyyatda olub,  özləri isə  eyş- işrətlə  məşğul olublar.  Bu boyda  hərbi xidmətə çağırış  oldu,  ölkədə terror hadisələri yaşandı,  müharibə başladı, ancaq onlardan səs çıxmadı. Guya ki, bir-ikisi gedib hərbi komisarlığa müraciət etdi, oradan şəkil çəkdirib paylaşdı, vəssalam. Müharibə zamanı biz onları görmədik. Mən özüm 6 nəfər qazimizlə birgə II Qarabağ müharibəsində N saylı hərbi hissədə xidmətdə idim. Orada  məmur, nazir balası  görmədik. Onları heç gözləmirdim də.  Vətən, torpaq məsələsi namus, qeyrət məsələsidir, onlar isə rüşvət, haramçılıqla böyümüş uşaqlardır”.

Bu sözləri qazi jurnalist Rey Kərimoğlu Moderator.az-a açıqlamasında bildirib.