Siyasi partiyalarla bağlı yeni sayt fəaliyyətə başladı

Ölkədə aparılan sistemli və çoxşaxəli inzibati-siyasi islahatların nəticəsi olaraq daxili siyasi mühitin canlanması, iqtidar-müxalifət dialoqunun yenidən təşkili, yeni siyasi konfiqurasiyanın qurulması, siyasi partiyalarla işin yenidən təşkili prosesinə dəstək olmaq məqsədilə www.partiya.az internet portalı istifadəyə verilib.

Azərbaycanın ilk qeyri hökümət təşkilatlarından biri olan Siyasi Texnologiyalar Mərkəzinin “Partiya İnternet Portalı”nın vəzifəsi daxili siyasi münasibətləri işıqlandırmaq, araşdırma və təhlillərlə çıxış etməkdir. Partiya İnternet Portalının “Məlumat bazası” bölümündə isə rəsmi dövlət qeydiyyatına alınmış siyasi partiyalar barədə müfəssəl informasiya və qanunvericilik aktları yerləşdirilir.
Siyasi Texnologiyalar Mərkəzi siyasi partiyaları portalla əməkdaşlığa dəvət edir.