Uşaqlar və onların ailələrinə təlimlər keçirilib – FOTOLAR

Bildiyiniz kimi, 2020-ci ilin aperl ayından etibarən Ümidli Gələcək STİB və eləcə də sosial xidmət mərkəzləri fəaliyyətlərini davam etdirərək sosial-psixoloji, həmçinin hüquqi yardıma ehtiyacı olan uşaqlara və onların ailələrinə yaxından yardım göstərmək üçün fəaliyyətini genişləndirmiş və sosial xidmət mərkəzlərində çalışan sosial işçi və psixoloqların, COVİD-19 və Karantin dövründə sosial-psixoloji reabilitasiya sahəsində bacarıqların təkminləşdirilməsi məqsədilə mütəmadi təlimlərə cəlb olunmuşdurlar.

COVİD-19 Pandemiyası nəticəsində uzun müddət davam edən karantini, həmçinin, iqtisadi, maddi və sosial məhdudiyyətlər nəticəsində məişət zorakılığı və sui-istifadə ilə bağlı problemləri nəzərə alaraq, Azərbaycanın şəhər və rayonlarda zorakılıq və sui-istifadə hallarını müəyyənləşdirmək və travmanın aradan qaldırılması məqsədilə silsilə beynəlxalq və yerli təlimlər təşkil edilmişdir.

Beləki, yanvar-iyun 2021-ci il tarixləri çərçivəsində Ümidli Gələcək Sosial Təşəbbüslər İB İsveçrə İnkişaf və Əməkdaşlıq Agentliyinin maliyyə dəstəyi nəticəsində Təhsil Nazirliyi, Ailə Qadın və Uşaq Problemləri üzrə Dövlət Komitəsi, Səhiyyə Nazirliyinin İctimai Səhiyyə və İslahatlar Mərkəzi, Daxili İşlər Nazirliyi, Ədliyyə Nazirliyi, Əmək və Əhalinin Sosial Müdafiəsi Nazirliyi, Türkiyə Psixoloqlar Dərnəyi və ABŞ Austern Riggs Center ilə əməkdaşlıqda layihəyə start verilmiş və layihənin icra planına uyğun olaraq  canlı və onlayn ZOOM platformasında sil-silə təlim kursları həyata keçirilmişdir.

Təlimlərdə 100-yə yaxın müvafiq dövlət və yerli qurumlarda çalışan, birbaşa öz fəaliyyətlərində ailələrə xidmət göstərən sosial işçi, psixoloq, pedaqoq, tərbiyəçi və həkimlər zorakılığın aşkarlanması istiqamətində bilik və bacarıqların təkminləşdirilməsi üzrə həm nəzəri, həm də praktiki məlumatlar aldılar.

Layihədə aşağıdakı müvzuların əhatə edilmişdir:

• “Uşaqlar və ailələrlə sosial iş və reabilitasiyanın təşkili”, ailələrlə sosial iş, ailələrin qiymətləndirilməsi, “Case managment”
• “Kompleks travmanın müalicəsi üçün Bağlılıq, Tənzimləmə və Səriştəlik Çərçivəsi” ARK Terapiya
• Uşaqlar və yeniyetmələr üçün klinik müsahibələr
• COVİD-19 Pandemiyası zamanı uşaqalra qarşı zorakılığın aşkarlanması və sosial-psixoloji reabilitasiya istiqamətində uşaq problemləri sahəsində çalışan əməkdaşların potensialının artırılması