Aşıq Kamandarın Ev Muzeyinin bərpadan sonra açılışı olacaq

Türk dünyasının görkəmli ustad aşığı, “Şərəf” ordenli korifey sənətkar Aşıq Kamandar Əfəndiyevin anadan olduğu Kəpənəkçi kəndində bu böyük sənətkarın Ev Muzeyinin bərpadan sonra təntənəli açılışı olacaq. Təntənəli tədbirdə Gürcüstanda rəsmi səfərdə olan Azərbaycanın Mədəniyyət naziri Anar Kərimovun da iştirakı gözlənilir. GAXA-nın məlumatına görə, bu barədə aşıq yaradıcılığının bilicisi, professor Mahmud Kamaloğlu məlumat verib.

Türk dünyasının istedadlı aşığı və görkəmli nümayəndəsi, aşıq sənətinin azman nümayəndəsi Aşıq Kamandar Əfəndiyevin Ev Muzeyinin aşılışı iyulun 8-də 16: 30-da baş tutacaq. Acılış mərasimində Gürcüstan, Azərbaycan və Türkiyənin mədəniyyət nazirləri,TİKA başkanı və ölkənin digər rəsmi dövlət adamları və digər qonaqlar iştirak edəcəklər.

 Tədbirə azərbaycanlıların kompakt yaşadığı Marneulinin müxtəlif kəndlərində ziyalılar, folklor biliciləri, aşıqlar dəvət olunublar.

Qeyd edək ki, Türkiyənin Əməkdaşlıq və Koordinasiya Agentliyinin (TİKA) Gürcüstan nümayəndəliyi tərəfindən ustadın Ev Muzeyinin təmiri başa çatıb və təmir dünya muzeyləri standartlarına uyğun olaraq aparılıb və mütəxəssislərin təcrübəsindən istifadə edilib./GAXA.ge