“Qarabağda sərhədlər cızıb icma yaratmağa lüzum yoxdur” – Elməddin Behbud

“Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi bu gün iclas keçirərək təşkilatın buraxılmasına qərar verib. QHT üzvləri “Qarabağa dönüş” adlı yeni İctimai Birliyin yaradıldığını bildiriblər. Tamamilə doğru addımdır”.

Bu fikirlər jurnalist Elməddin Behbuda məxsusdur.

Onun sözlərinə görə, Qarabağın fiziki-coğrafi mövqeyi üzrə bölünməsi və ona siyasi status verilməsi ideyası Şura hökumətinin mirasıdır: “Artıq nə SSRİ, nə DQMV, nə qondarma artsax, nə də ki, Dağlıq Qarabağ adlı hansısa qurum və ya ərazi vahidi mövcud deyil. Ona görə də gərəksiz yerə sərhədlər cızıb orada özümüzü icma elan etməyimizə lüzum yoxdur, əksinə, bu, ziyanımızadır. Bu gün bizim üçün prioritet məsələ Prezident İlham Əliyevin rəhbərliyi altında tarixi torpaqlarımıza böyük qayıdışın həyata keçirilməsi və orada əbədi olaraq məskunlaşmağımızdır”.