Şahin Seyidzadə Qobustan rayon Heydər Əliyev Mərkəzində qəbul keçirib – FOTO
Azərbaycan Respublikası Milli Məclisinin 50 saylı Abşeron-Qobustan seçki dairəsi üzrə deputatı Şahin Seyidzadə Qobustan rayon Heydər Əliyev Mərkəzində Qobustan rayon sakinləri üçün fərdi vətəndaş qəbulu keçirib.
Bədəlli, Nabur və Sündü kəndləri, həmçinin Qobustan şəhərindən olan 20-dən artıq sakinlə keçirilən fərdi vətəndaş qəbulunda kommunal xidmətlər, infrastruktur, məşğulluq, hüquq, torpaq, əmlak, sosial təminat və sağlamlıq məsələləri ətrafında müraciətlər səsləndirilmişdir.
Qeyd edək ki, deputat Şahin Seyidzadə tərəfindən 2021-ci ilin yanvar ayında Qobustan rayonunun Cəyirli və Təklə kəndlərində, həmçinin Abşeron rayonunda səyyar formada fərdi vətəndaş qəbulları həyata keçirilmişdir.
