Gənclər fonduGündəmManşetSiyasətSosialXəbər xətti

Gənclər Fondu qazandığı mükafatı Cocuq Mərcanlıda uşaqlara ayıracaqdır

Azərbaycan Respublikasının Prezidenti yanında Gənclər Fondu, Birləşmiş Millətlər Təşkilatının İnkişaf proqramı (UNDP) və Bahreyn Krallığının təşəbbüsü və tərəfdaşlığı ilə təsis edilmiş “Davamlı inkişafa nail olmaq üçün Gənclərin Gücləndirilməsi” King Hamad mükafatına layiq görülüb.

Aktor.Az-ın məlumatına görə, Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev “2 Fevral – Gənclər Günü” münasibətilə Azərbaycan Respublikasının Prezidenti yanında Gənclər Fondunun hesabat konfransında bildirib ki, Fond qazandığı mükafatı (25.000$) Cocuq Mərcanlıda uşaqlar üçün oyun meydançasının salınmasına ayıracaqdır.

Azərbaycan Respublikasının Prezidenti yanıda Gənclər Fondu cənab Prezident İlham Əliyevin şəxsi təşəbbüsü ilə yaradılıb. Gənclər Fondunun yaradılmasında məqsəd, əsası Ulu Öndər Heydər Əliyev tərəfindən qoyulmuş, hal-hazırda isə cənab Prezident İlham Əliyev tərəfindən uğurla həyata keçirilən dövlət gənclər siyasətinin icrasıdır.