Respublika Veteranlar Təşkilatı daha bir layihəni uğurla yekunlaşdırdı – FOTO

Respublika Veteranlar Təşkilatı Azərbaycan Respublikasının Prezidenti yanında
Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə
“Tariximizin şanlı səhifələri” adlı layihənin icrasınauğurla yekunlaşdırıb.

Layihə Böyük Vətən Müharibəsində və Qarabağ Müharibəsində qəhrəmanlıq və şücaət
göstərmiş olan oğul və qızlarımızın əziz xatirəsinə həsr olunmuşdu. Layihə
müddətində 3Ali Təhsil ocağına paylanılması üçün Böyük Vətən Müharibəsində və
Qarabağ Müharibəsindən bəhs olunacaq kitabça hazırlanıb çap olunub. Eyni
zamanda yeniyetmə və gənclərimizin maarifləndirilməsi üçün Koronavirus
(COVİD-19) virusundan qorunma və gigiyenik qaydalara əməl olunması qaydalarını
özündə əks etdirəcək məlumatlandırma bukleti hazırlanıb. Bundan əlavə layihə
dövründə 30 şəhid ailəsinə kuponlar şəklində ərzaq yardımları edildi.
Layihənin məqsədi gənclərin ictimai-siyasi həyatda fəallığını artırmaq, ölkənin
mənafeyi, xalqımızın rifahı naminə vətənpərvərlik ruhunda tərbiyə olunması, milli
mənəvi dəyərlərimizin cəmiyyətdə daha geniş yayılması, ölkədə yeniyetmə və
gənclərin vətənpərvərlik tərbiyəsi sahəsində görülən işlərdə yaxından iştirak etmək,
eləcə də vətənpərvərlik yönümündə maarifləndirmə işlərini daha da genişləndirmək idi.