Deputat Elman Nəsirov seçiciləri ilə görüş keçirib – FOTOLAR

Azərbaycan Respublikası Milli Məclisinin deputatı  Elman  Nəsirov  sentyabrın  19-da  təmsil  etdiyi  68  №-li  Cəlilabad  kənd  seçki  dairəsinə  daxil  olan Günəşli  kəndinin  bir  qrup  seçicisi  ilə  videoformatda  görüş  keçirmişdir.

Aktor.Az xəbər verir ki, görüş  çərçivəsində  deputat  Elman  Nəsirov  seçicilərin nəzərinə çatdırdı ki,Azərbaycan Respublikasının Prezidenti cənab İlham Əliyev həm milli səviyyədə, həm regional səviyyədə, həmdə qlobal səviyyədə pandemiyaya qarşı mübarizə prossesində preventiv, proflaktik, ardıcıl və sistemli addımlar atır və bu addımlar həm ölkə ictimaiyyəti tərəfindən, həm də beynalxalq ictimaiyyət tərəfindən yüksək qiymətləndirilir. Prezident İlham Əliyevin son unikal təşəbbüsünə dünyanın məlum reaksiyası bir daha belə bir həqiqəti sübut etdi ki, Azərbaycan dünya miqyasında elə də böyük dövlət olmasa da, lakin onun sözünün mənası və çəkisi böyükdür. Bu, bir həqiqətdir ki, Azərbaycan dövlətinin sözünün məna və çəkisinin dünya miqyasında böyüklüyünü şərtləndirən həlledici amil onun liderinin-Prezident İlham Əliyevin həm ölkə, həm də beynəlxalq aləmdə yüksək nüfuza malik olması ilə bağlıdır. Dünyanın pandemiya tərəfindən hədəfə alındığı, təhtid olunduğu bir reallıqda hər bir dövlət və hər bir lider öz simasını nümayiş etdirir və bu çətin günlərdə Azərbaycan dövləti və onun lideri cənab İlham Əliyev sözün həqiqi mənasında bütün dövlətlər və onların liderləri üçün bir nümunədir

Görüşdə, kənd  sakinləri Miriyeva Mədinə, Səfərov Sabir,Bayramov İxtiyar,Abbasov Abas,Günəşli kənd 2 №-li tam orta məktəbin direktoru Həsənov Kəramət, kənd bələdiyyə sədri Cəfərov Fəxrəddin,kənd inzibati ərazi nümayəndəsi Şabanov Xanlar çıxış  edərək  bildirdilər  ki, ölkə Prezidenti cənab İlham Əliyevin rəhbərliyi altında Azərbaycanda səfərbər olunmuş cəmiyyət,vətəndaş həmrəyliyi hökm sürür,xalq-hakimiyyət birliyi mövcuddur və cənab Prezidentin bütün təşəbbüslərini xalqımız birmənalı şəkildə dəstəkləyir.Eyni zamanda ölkə Prezidentinin pandemiyaya qarşı mübarizə prosesində atdığı önləyici,ardıcıl və sistemli addımlar nəticəsində bu bəladan daha az itkilərlə çıxmağa nail olmaqdayıq. Bütün bunlar bizi sevindirir və biz fəxr edirik ki,biz Cəlilabadlılar da,kəndimizin sakinləri də ölkə Prezidentinin ətrafında sıx birləşmişik və onun həm daxili,həm də xarici siyasətini birmənalı şəkildə müdafiə edirik.

Seçicilər  geniş  fikir  mübadiləsi  ilə  müşaiyət  olunan  videoformatda  keçirilən  görüşdə  bir  sıra  onları  narahat  edən  məsələri  də  diqqət mərkəzində saxladılar və vurğuladılar ki, ilk növbədə kəndin kabelləşməsi ilə bağlı məsələ bu gün ciddi şəkildə dayanır,elektrik dirəklərinin köhnəlməsi,elektrik naqillərinin sıradan çıxması elektrik enerjisi ilə təminatda tez-tez problemlər yaradır.Ona görə də kabelləşmə keçirilməsinin olduqca vacib olduğunu vurğuladılar. Eyni zamanda suvarma ilə bağlı məsələni qaldırdılar,su qıtlığından əziyyət çəkdiklərini qeyd etdilər və kənddə yerləşən  2 saylı tam orta məktəbin idman zalına su damır,onun təmiri ilə bağlı məsələyə diqqət ayrılmasını xahiş etdilər.

Görüşün  sonunda  çıxış edən  deputat  Elman  Nəsirov  bildirdi  ki, qaldırılan  məsələlərin  həlli  ilə  bağlı  müvafiq  yerli  və  mərkəzi  icra  hakimiyyəti  orqanlarına  müraciət  edəcəkdir.

 

Paylaş: