“Strateq.az” saytının baş redaktoru Elxan Şükürlü Ədalət Partiyasının Siyasi Şurasının üzvü və partiya sədrinin siyasi məsələlər üzrə müavini vəzifəsinə təyin edilib. Bununla bağlı Ədalət Partiyasının sədri İlyas İsmayılov sərəncam imzalayıb.
Aktor.Az xəbər verir ki, məlumatı E.Şükürlü feysbuk səhifəsində paylaşıb.
Xatırladaq ki, E. Şükürlü Ədalət Partiyasının qurucularından biri olub, 2000-2011-ci illərdə partiya sədrinin mətbuat və informasiya məsələləri üzrə müavini vəzifəsini tutub. 2015-ci ildən “Strateq.az” analitik-internet qəzetinin təsisçisi və baş redaktorudur.
