Xəbər xətti

Kürdəmirdə “Mercedes” traktora çırpılıb, ölən var

Kürdəmir rayonunda ölümlə nəticələnən yol-nəqliyyat hadisəsi baş verib.

Daxili İşlər Nazirliyinin mətbuat xidmətindən bildiriblər ki, Zərdab rayon sakini E.Əzizov idarə etdiyi “Mercedes” markalı avtomobili Kürdəmir rayonunun Sovla kəndi ərazisində yol kənarında dayanmış, Oruc Qurbanova məxsus “T-28” markalı traktora vurub. Nəticədə E.Əzizovun avtomobilində olan sərnişini, həmyerlisi Tubu Ömərova hadisə yerində ölüb, özü və iki sərnişini isə xəstəxanaya yerləşdirilib.

Hadisə ilə bağlı Kürdəmir Rayon Polis Şöbəsi tərəfindən araşdırma aparılır.