AzTU beynəlxalq layihənin regional koordinatoru oldu
Yunanıstanın Qərbi Attika Universitetinin təşəbbüsü ilə “Səhiyyədə strateji keyfiyyət menecmenti və risklərin idarə olunması üzrə açıq və distant təhsil formatında peşə bakalavrı və peşə magistri hazırlığı” mövzusunda Erasmus+ KA2 beynəlxalq layihəsinə start verilib. Azərbaycan, Rusiya və Qazaxıstanın iştirakı ilə reallaşan layihənin regional koordinatoru Azərbaycan Texniki Universitetidir (AzTU).
Universitetdən Aktor.Az-a verilən məlumata görə, layihədə Avropa İttifaqından Afina, Nitsa və Kluj Universitetləri, Azərbaycanın İ.M.Seçenov adına Birinci Moskva Dövlət Tibb Universitetinin Bakı filialı, Milli Onkologiya Mərkəzi və Naxçıvan Dövlət Universiteti, Rusiyanın 8, Qazaxıstanın isə 6 universiteti təmsil olunur.
Qeyd edək ki, layihə 36 ay müddətində davam edəcək.
