Fəzail İbrahimli və digər deputatlar karantin qaydalarını pozdular – FOTOLAR
Azərbaycanda tətbiq edilən karantin qaydaları Milli Məclisdə kobud şəkildə pozulub.
“BakuPost” xəbər verir ki, bu gün Milli Məclisin İctimai birliklər və dini qurumlar komitəsinin iclasında iştirak edən deputatlar, heç bir ara məsafəsi saxlamayıb, bir nəfərdən başqa heç kim maska taxmayıb. Üstəlik, qaydalara zidd olaraq iclasa 10 nəfərdən çox adam qatılıb.
Azərbaycan Respublikasının Nazirlər Kabineti yanında Operativ Qərargahı tərəfindən Martın 20-də xüsisi karantin rejiminə keçirildi və İctimai yerlərdə, o cümlədən küçələrdə, bulvarlarda, parklarda və sair yerlərdə şəxslərin 10 nəfərdən artıq qruplarda cəmləşməsi qadağan edildi.
Eyni zamanda insanlararası təmaslarda vətəndaşlar tərəfindən 2 metrlik məsafənin saxlanılması tövsiyə edildi.
Karantin rejiminə ciddi əməl edilməsi dəfələrlə ölkə başçısı tərəfindən tövsiyə edilib, karantin qaydalarını pozan şəxslərin cəzalandırılmasını tələb edib.
Elə son müsahibəsində də özünün karantin qaydalarına tam riayət etdiyini bildirib:
“Karantin rejiminə gəldikdə isə, mən prinsip etibarilə intizamlı adamam. Buna görə mənim ictimai tədbirlərimdə ən çoxu 9 nəfər olur. Bizdə on nəfərdən çox adamın bir yerdə toplaşması qadağandır. Lakin mən ehtiyat üçün həmişə deyirəm, 9 nəfərdən çox olmamalıdır. Ən çoxu 10 və ya 9 nəfər. Bir də, əlbəttə, məsafəyə riayət edirəm. İctimai xarakterli tədbirlərdə də, görüşlərdə də belə olub. İlin birinci rübünün yekunlarına həsr olunmuş iclası videokonfrans rejimində keçirdik. Amma deməliyəm ki, bu iclas əvvəl keçirdiklərimizdən o qədər də fərqlənmədi. Mənim tabeliyimdə olan işçilərlə söhbətlərim də videokonfrans formatında keçirilir. Yəni, insan prinsip etibarilə hər şeyə alışır. Buna da vərdiş etmək lazımdır”.
Faiq
BakuPost
