Afrikada köməksiz qalan dənizçilərimizlə bağlı müraciət ünvanlandı
Dənizçilərin Hüquqlarının Müdafiəsi İctimaii Birliyinin (DHM İB) idarə heyyəti Afrikanın Mavritaniya ölkəsində köməksiz və ehtiyac içində qalan dənizçilərimizin durumu ilə bağlı özünün növbəti yığıncağını keçirib. Yığıncaqda AXDG QSC-yə və digər təşkilatlara dənizçilərimizin sağlam və təhlükəsiz halda vətənə qayıtmasına kömək etmələri xahiş olunub.
Bu haqda Müstəqil.Az-a DHM İB-nin sədri, AXDG QSC XDND idarəsinin gəmi kapitanı, şair Faiq Balabəyli(Səfərov) məlumat verib.
Xatırladaq ki, bir neçə gün qabaq Dənizçilərin Hüquqlarının Müdafiəsi İctimaii Birliyi və Azərbaycan Dənizçilərinin İctimai Birliyinin köməksiz və ehtiyac içində olan, aldadılaraq iş adı ilə Afrikaya göndərilmiş dənizçilərimizin vətənə qayıtması ilə bağlı nəcib bir təşəbbüs irəli sürmüş dənizçilərimizə dəstək üçün xalqımıza və əlaqədar təşkilatlara müraciətə ünvanlamışdı.
Artıq dənizçilərimizin tezliklə vətənə qayıtmaları üçün DHM İB AXDG QSC-nə və digər dənizçilik şirkətlərinə kömək etmələri üçün müraciət ünvanlayıb.
DHM İB-nin sədri, AXDG QSC XDND idarəsinin gəmi kapitanı Faiq Səfərov(Balabəyli) müxbirimizlə söhbətində, inanırıq ki, müraciət olunan Xəzər Gəmiçiliyi və digər təşkilatlar dənizçilərimizin vətənə dönməsinə kömək edəcək, – deyib.
Afrikanın Mavritaniya ölkəsində köməksiz və ehtiyac içində qalan dənizçilərimiz
1.Kapitan Abdullayev Rövşən Rafiq oğlu
2.Baş mexanik Mikayılov Mikayıl Səfər oğlu
3.Kap.növb.köm.Əsgərov Arif Hüseyn oğlu
4.Kap. Baş.köm. Əliyev Fərəc Mövlan oğlu
