Sabir Fondundan yeni xəbər var

Noyabrın 3-də Bakı Humanitar Kollecində M.Ə.Sabir Fondunun xətti ilə yeni seminar keçirilib. Aktor.Az xəbər verir ki, təlim yenə də maraqlı bir mövzuda – yaşam kouçluğu, GROW və SMART metodla gələcək perspektivin müəyyən olunması seansları adı altında təşkil edilib.

Təlimlərdə tədbirin keçirilməsi barədə geniş məlumat verilib. Yaşam kouçluğu nədir? Bu metodla nəyə nail olmaq olar? Həyat çarxı necə çəkilir? GROW metodu ilə perspektiv planlanma, SMART modellə hədəflərin müəyyən olunması kimi maraqlı məqamlar təlimlərin əsasını təşkil edib. Qeyd edək ki, seminarı tanınmış təlimçi Sənan Nəcəfov aparıb. Sonda praktik seanslar baş tutub.

İştirakçılar təlimə böyük maraq göstəriblər və qeyd olunmalıdır ki, bu təlimlər layihə çərçivəsində Bakı şəhərində keçirilməsi planlaşdırılan son təlimdir.

Layihəni Azərbaycan Respublikası Prezidenti Yanında QHT-lərə Dövlət Dəstəyi Şurası maliyyələşdirib.

Diqqətə çatdıraq ki, layihə “Gənclər üçün fərdi inkişaf təlimlərinin yeni model texnologiyalarla (NLP, Yaşam Kouçluğu, time-menecment, personalogiya və s.), habelə youtube, vebi-nar, skype konfransla keçirilməsi” adı altında gercəkləşir. Layihənin sonuncu seminarı (ustad dərsi) Şirvan şəhərində baş tutacaq.