Sabirin yubileyinə hazırlıq planı təsdiqlənib
Böyük şair Mirzə Ələkbər Sabirin 155 illik yubileyi ilə əlaqədar onun adını daşıyan Fondun keçirəcəyi tədbirlər planı təsdiq olunub. Fondun prezidenti Sevda Tahirli Aktor.Az-a bildirib ki, qurumun xətti ilə həm ölkə daxilində, həm də bəzi xarici ölkələrdə müxtəlif tədbirlərin keçirilməsi nəzərdə tutulduğunu bildirib:
“Bakı, Şamaxı və bəzi başqa şəhərlərimizdə, rayonlarda təşkil olunması planlaşdırılan yubiley mərasimləri geniş ictimaiyyətin iştirakı ilə keçiriləcək. Sabir-155 tədbirləri ilə bağlı hazırda bəzi diaspor rəhbərləri ilə danışıqlar aparılır. Xarici ölkələrdə nəzərdə tutulan tədbirlərin əsas məqsədi xaricdə yaşayan azərbaycanlıların, xüsusilə gənc nəslin böyük şairimizin irsini öyrənməsi, onun yaradıcılığına marağın artırılmasıdır.Bununla yanaşı şairin virtual muzeyinin hazırlanması sahəsində də ciddi işlər gedir”.
Sevda Tahirlinin bildirdiyinə görə, M.Ə.Sabirin şerlərinin müxtəlif dillərə tərcümə olunması və bəzi kitablarının yenidən, eyni zamanda böyük turajla çap olunması üçün də addımlar atılacaq.
