Sabir Fondunun layihəsinin yekun tədbiri keçirilib – FOTOLAR
Mirzə Ələkbər Sabir Fondu Bakı Humanitar Kollecində 2016-cı ildə həyata keçirdiyi və Azərbaycan Respublikası Prezidentinin yanında Qeyri-Hökümət Təşkilatlarına Dövlət Dəstəyi Şurası tərəfindən maliyyələşdirilən “Gənclər üçün fərdi inkişaf təlimlərinin yeni model texnologiyalarla (NLP, Yaşam Kouçluğu, taym-menecment, personalogiya və s.), habelə youtube, vebi-nar, skype konfransla keçirilməsi”nə həsr olunmuş layihəsinin yekun tədbirini keçirdi.
Aktor.Az xəbər verir ki, tədbirdə Mirzə Ələkbər Sabir Fondunun prezidenti Sevda Tahirli, Azərbaycan Respublikası Prezidentinin yanında QHT-lərə Dövlət Dəstəyi Şurasının katibliyinin icraçı direktoru Fərasət Qurbanov, Bakı Humanitar Kollecinın pedaqoji şöbəsinin müdiri Əsəd İbrahimov, Kollecin tədris hissə müdiri Talıb Zülfüyev, müəllim və tələbə heyəti iştirak edirdi.
Tədbiri giriş sözü ilə Bakı Humanitar kollecinin pedaqoji şöbəsinin müdiri Əsəd İbrahimov açdı. O, fərdi inkiaf təlimlərinin gənclərimizin həyatında mühüm əhəmiyyətini qeyd edərək belə gözəl layihənin gerçəkləşməsində Bakı Humanitar Kollecini seçdikləri üçün Mirzə Ələkbər Sabir Fonduna təşəkkür etdi.
Daha sonra söz alan Mirzə Ələkbər Sabir Fondunun prezidenti Sevda Tahirli tədbir iştirakçılarını salamladı. O, qeyd etdi ki, şair Sabirin maarifləndirmə ənənəsini davam etdirmək Fondun əsas fəaliyyət istiqamətlərindən biri olaraq bu gün də ciddi səylə davam etdirilir və bu layihə Fondun bu yöndə atdığı ən uğurlu addımlardan biri sayıla bilər. O, həmçinin, gənclərin maarrifləndirilməsi ənənəsinin Mirzə Ələkbər Sabir Fondu tərəfindən 2016-cı ildə layihə çərçivəsində uğurla davam etdirilməsində AR Prezidentinin yanında QHT-lərə Dövlət Dəstəyi Şurasının maliyyələşdirdiyini vurğulayaraq layihənin baş tutuması üçün təşkilatı dəstək göstərən Binəqədi Bələdiyyəsinə, eləcə də Bakı Humanitar Kollecinin rəhbərliyinə də öz təşəkkürünü bildirdi.
Tədbirdə söz alan Azərbaycan Respublikası Prezidentinin yanında QHT-lərə Dövlət Dəstəyi Şurasının katibliyinin icraçı direktoru Fərasət Qurbanov tədbir iştirakçılarını salamladı. O, QHT-lər tərəfindən həyata keçirilən bu qəbildən olan layihələrin gənclərin gələcək fəaliyyətində, uğur qazana bilməsində, özünü təsdiqində necə böyük rol oynadığını yüksək dəyərləndirərək gələcəkdə də belə maarrifləndirici layihələrin həyata keçirilməsində təmsil etdiyi qurumun dəstək verməyə hazır olduğunu bildirdi.
Bakı Humanitar Kollecinin tədris hissə müdiri Talıb Zülfüyev çıxışı zamanı bildirdi ki, onun böyük hörmət və sevgi bəslədiyi şairin adını daşıyan Fondun bu layihə ilə onların tədris müəssisəsinə qonaq gəlməsi kollec rəhbərliyini çox məmnun edir və bu, alqışa layiqdi. Daha sonra o belə tədbirlərin keçırılməsinin yalnız gənclər üçün deyil, cəmiyyətdə öz yerini tutmağa çalıçan hər kəs üçün əhəmiyyətindən danışaraq belə tədbirlərin davamlı olaraq keçirilməsinin vacib olduğunu diqqətə çatdırdı.
Sonda təlim içtirakçısı olmuş tələbələrə sertifikatlar və hədiyyə olaraq Sevda Tahirlinin qan qrupundan asılı olaraq insanın həyat fəaliyyətinin, xarakterinin, uğurlarınını, xəstəliklərinin necə dəyişməsi və s. həsr olunmuş “Qanımızın səsi” kitabı hədiyyə edildi.
Qeyd edək ki, Mirzə Ələkbər Sabir Fondu tərəfindən 2016-cı ildə həyata keçirilən və Azərbaycan Respublikası Prezidenti yanında QHT-lərə Dövlət Dəstəyi Şurası tərəfindən maliyyələşdirilən “Gənclər üçün fərdi inkişaf təlimlərinin yeni model texnologiyalarla (NLP, Yaşam Kouçluğu, time-menecment, personalogiya və s.), habelə youtube, vebi-nar, skype konfransla keçirilməsi” layihəsi çərçivəsində Bakı şəhərində 8 təlim, Sumqayıt və Şirvan şəhərində 2 ustad dərsi keçirilmişdir.
