Sabir Fondunun təşkilatçılığı ilə Şirvanda ustad dərsi baş tutub – FOTO
Mirzə Ələkbər Sabir Fondunun təşkilatçılığı və Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə “Gənclər üçün fərdi inkişaf təlimlərinin yeni model texnologiyalarla (NLP, Yaşam Kouçluğu, taym-menecment, personalogiya və s.), habelə youtube, vebi-nar, skype konfransla keçirilməsi” layihəsinin sonuncu ustad dərsi Şirvan şəhərində keçırilib.Aktor.Az xəbər verir ki, tədbiri giriş sözü ilə açan Mirzə Ələkbər Sabir Fondunun prezidenti Sevda Tahirli tədbir iştirakçılarını salamlamış, onlara Sabir Fondu və Fondun həyata keçırdiyi cari layihəsi və onun əhəmiyyəti barədə qısaca məlumat vermişdir.
Daha sonra tanınmış təlimçi Sənan Nəcəfovun ustad dərsini iştirakçılar böyük maraqla qarşılayıblar.
Qeyd edək ki, 6 ay müddətində davam edən bu layihə “ Kütlə qarşısında mükəmməl nitq”, “ Qan qrupu ilə peşə seçimi, uğur yolu və ətraf mühitin kimliyinin müəyyən olunması“, “Gənc ailələr üçün psixoloq məsləhəti, keçid dövründə cəmiyyətdə gərgin psixoloji durumdan yayınmaq, müsbət əhval-ruhiyyənin saxlanılması metodları” , “Vaxtın idarə olunması”, “CV və rezumelərin hazırlanması, iş müsahibəsində uğur qazanma metodları”, “ Yaşam Kouçluğu, GROW və SMART metodla gələcək perspektivin müəyyən olunması seansları”, “ NLP texnikaları ilə mükəmməl ünsiyyətin qurulması” mözularına dair 8 təlim, eləcə də “Region gəncləri üçün fərdi inkişaf təlimlərinin yeni model texnologiyalarla keçirilməsi mövzusunda 2 ustad dərsini əhatə edirdi.
Layihə çərçivəsində təşkil olunan təlimlərin Bakı şəhərində, ustad dərslərinin isə Suymqayıt və Şirvan şəhərində keçırılməsi nəzərdə tutulmuşdu. Bundan əlavə, layihədə iştirak edən təlimçilər layihə müddətində hər ayın sonu skype-konfrans kecırib, təlim və ustad dərslərində iştirak edə bilməyənlərin çoxsaylı suallarını cavablandırıblar.
Diqqətə çatdıraq ki, daim ictimaiyyəti maraqlandıran, həlli vacib bilinən məsələlərin gündəmə gətirilməsində yaxından iştirak edən Mirzə Ələkbər Sabir Fondu bundan sonra öz dəsti-xəttini davam etdirəcək.
