Gəncədə qadın işlədiyi marketdə bıçaqlandı

Gəncədə bıçaqlanma hadisəsi baş verib.Şəhər sakini, 1999-cu il təvəllüdlü Ələsgərova Sevinc Telman qızı çoxsaylı bıçaq yaraları ilə xəstəxanaya yerləşdirilib. O dərhal əməliyyat olunub. Vəziyyətinin ağır olduğu bildirilir.

Məlumata görə, bir azyaşlı övlad anası olan S. Ələsgərova bir il əvvəl boşandığı həyat yoldaşı tərəfindən işlədiyi marketdə bıçaqlanıb. Məlumata görə, cinayət törədən şəxs artıq saxlanılıb.

Faktla bağlı araşdırma aparılır.