“Qara Cümə” günündə bu məhsul çox satılıb
“GBH Insights”a görə,”Qara Cümə” günündə dünya miqyasında edilən satışlarda elektron ticarət nəhəngi “Amazon” 50 faiz bazar payı ilə birinci yeri tutub.
2016-cı ildəki bütün satışları 130 milyard dollar həcmində olan və tarixdə 100 milyard dollar satış səviyyəsinə ən tez çatan pərakəndə satıcısı olan “Amazon” rəsmi rəqəm deməsə də, Cümə günkü “Qara Cümə” satışlarının rekord səviyyədə olduğu güman edilir.
“Marja” xəbər verir ki, “Amazon” şirkəti Cümə günü ən çox satdığı məhsulları açıqlayıb. İlk yerli ağıllı səsucaldan “Amazon Echo Dot” tutub. İkinci yeri TV-də online izləmə aparatı “Fire TV” tutub. Planşet yaxud ağıllı telefonları uzaqdan idarə edə bilən “TP Link” 3-ci yeri tutub.
Siyahıdakı ən maraqlı məhsul “23andMe” adlı DNT testi olub. 199 dollar qiymətdən 149 dollara enən DNT kitində 75 test imkanı var.
Bir test 2 dollara başa gələn bu məhsul sayəsində nəsil, analıq-atalıq testi, DNT, qohum eyniləşdirməsi, genetik sağlamlıq riski və s. geniş nəticələr əldə etmək mümkündür.
Dezoksiribonuklein turşusu (DNT) canlı orqanizmin formalaşması və həyati proseslərini davam etdirəbilməsi üçün irsi informasiyanın saxlanıldığı, nəsillər arasında ötürülən biopolimerdir. Bütün orqanizmlər, bəzi viruslarda daxil olmaq üzrə DNT-yə sahibdir.
