Azay Quliyevin daha bir rəqibi namizədliyini geri götürdü – Onun xeyrinə/FOTO

8 saylı Binəqədi I Seçki Dairəsindən deputatlığa qeydə alınmış namizəd Araz Hüseynov bu gün namizədliyini geri götürüb.Aktor.Az xəbər verir ki, Ayaz Hüseynov bununla bağlı seçicilərə müraciət ünvanlayıb.

Müraciətdə deyilir: Hörmətli seçicilər,

Parlament seçkilərində zəfər qazanmaq məqsədilə yanvar ayı ərzində çox çalışdıq, imzaların toplanması ərəfəsində sizlərlə şəxsən görüşdüm. Desəm ki, bunun nəticəsində çoxunuzla dostlaşa bildim, heç də yanılmaram. Gördüyüm işlərə baxmayaraq, mən hər zaman vəziyyəti real qiymətləndirdiyimdən gəldiyim qənaət barədə sizə məlumat vermək istərdim.

“İslahatlara dəstək” seçicilərin Təşəbbüs Qrupunun deputatlığa namizədi Azay Quliyevin seçki qərargahında qurduğu komanda, sistemli iş və yüksək təşkilatçılıq səviyyəsini gördükdən sonra anladım ki, 9 fevral qalib gəlmək üçün təqdim etdiyim platforma və imkanlarım Azay Quliyevlə yarışmaq üçün kifayət etmir.

Bu səbəbdən mən, öz namizədliyimi Azay Quliyevin xeyrinə geri götürür və məni dəstəkləyən hamını Azay Quliyevə səs verməyə çağırıram.

Hörmətlə,

Hüseynov Araz Mahmud oğlu

Xatırladaq ki, yanvarın 23-də 8 saylı Binəqədi birinci Seçki Dairəsindən deputatlığa namizəd Elmira Fərzəliyeva da namizədliyini Azay Quliyevin xeyrinə geri götürüb.