Səməd Vəkilovun seçki qərargahının geniş tərkibli iclası keçirilib – FOTOLAR

Yanvarın 24-də 28 saylı Sabunçu üçüncü seçki dairəsindən deputatlığa namizəd Səməd Vəkilovun seçki qərargahının geniş tərkibli iclası keçirilib.

Qərargah üzvlərinin iştirak etdiyi toplantıda bu günə qədər həyata keçirilən işlər barədə məlumat verilib, görüləcək işlərin planlaşdırılması aparılıb.Seçicilərin mütləq əksəriyyətinin dəstəyini qazanaraq parlaq qələbə əldə etmək və prosesi yüksək nailiyyətlərlə başa vurmaq üçün seçki hüququnun verdiyi imkanlardan maksimum yarlanmağın vacibliyi səsləndirilib.

İclasda üzvlər arasında vəzifə bölgüsü aparılıb, qarşıdakı dövrdə görüləcək işlər müəyyənləşdirilib və müvafiq qaydada təlimatlar verilib.

Namizəd Səməd Vəkilov bildirib ki, qərargah üzvləri arasında gənclər və qadınları da təmsil olunurlar.O, ümid edib ki, bu parlament seçkilərində qərargah üzvləri, məsul şəxslər böyük fəallıq göstərərək öz töhfələrini verəcəklər.

İclasda Seçki qərargahının rəhbəri, Səməd Vurğun Fondunun vitse-prezidenti, polkovnik Mehman Mansurov bildirib ki, cənab prezident İlham Əliyev və Birinci vitse-prezident Mehriban Əliyevanın yaratdığı seçki muhitindən yararlanaraq Səməd Vəkilov kimi müasir çağırışlara cavab verən, layiqli hüquqşünasların Azərbaycan Milli Məclisində təmsilçiliyinə nail olmaq lazımdır.

 

Mehman Mansurov, Seçki qərargahının rəhbəri

 

Seçki  qərargahının digər üzvləri – Respublikanın əməkdar artisti, Azərbaycan Televiziya və Radio Verilişləri Qapalı Səhmdar Cəmiyyətinin (Az TV) qocaman diktoru Eldost Bayramov, hərbi tədqiqqatçı, polkovnik Şəmistan Nəzirli , tanınmış sosioloq, professor Əhməd Qəşəmoğlu, QHT.az saytının rəhbəri, “İnformasiya Təşəbbüslərinə Dəstək” İctimai Birliyinin sədri Cəsarət Hüseynzadə, rejissor Cəlal Əliyev, Bakı milyonçuları Dadaşovlar nəslinin davamçısı Kəmalə Dadaşova, tanınmış vəkil Əkbər Bağırov, Tibb Universitetinin professoru Vaqif Vəkilov, tanınmış jurnalistlər Şahin Əliyev, Telman İsa (Məmmədov), Fəxriyyə Lilipar və İmran Bədirxanlı da çıxış edib, fikirlərini bildirblər.

Qeyd edək ki, namizəd Səməd Vəkilova ölkə daxilində olduğu kimi xaricdə yaşayan soydaşlarımız, ziyalılarımız, həmçinin əcnəbi alimlər, ictimai-siyası xadimlər tərəfindən də ciddi dəstək nümayiş olunur. Belə ki, Türkiyənin aparıcı “Bengü TV” kanalının “Azərbaycan ruzigarı” verilişinin aprıcısı Səidə Ömər, Estoniyanin sabiq prezidentinin tərcüməçisi olmuş və Qayıbovların davamçısı, Rusiya Parlament Dumasının əməkdaşı Ramin Qasımovun ailə üzvləri – Sona və Rəna Qasımovalar, Tartu Universitetinin əməkdaşı Xəqani Qayıblı da namizədə dəstəyini ifadə ediblər və lazımı yardım göstərməyə hazır olduqlarını bildiriblər.