“Cəbhəyanı bölgələrdən olan uşaqlara psixoloji xidmətlərin təşkili” layihəsi çərçivəsində tədbir keçirildi – ŞURANIN DƏSTƏYİ İLƏ
Bu gün “Azərkitab” kitab təbliğatı mərkəzində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Vətəndaş” Tədqiqat və İnkişaf İcitmai Birliyinin təşkil etdiyi “Cəbhəyanı bölgələrdən olan uşaqlara psixoloji xidmətlərin təşkili” layihəsi çərçivəsində tədbir keçirilib.
Tədbiri giriş sözü ilə açan “Vətəndaş” Tədqiqat və İnkişaf İctimai Birliyinin sədri, layihə rəhbəri Anar Yusifoğlu həyata keçirdikləri layihə barəsində geniş məlumat verib. A.Yusifoğlu rəhbərlik etdiyi təşkilatın bu istiqamətdə bir neçə layihə reallaşdırdığını qeyd etdi.
Daha sonra Birliyin icraçı direktoru Günel Səfərova layihənin məqsədləri haqda danışaraq, bu istiqamətdə regionlarda, xüsusilə, cəbhəyanı bölgələrdə görülən işlərdən ətraflı bəhs edib.
Sonra millət vəkili Hikmət Babaoğlu çıxış edərək cəbhəyanı bölgələrdə yaşayan uşaqların ciddi psixoloji dəstəyə ehtiyac yarandığını dedi.
Daha sonra millət vəkili Tahir Rzayev çıxışında Şura tərəfindən bu kimi layihələrin dəstəklənməsini yüksək qiymətləndirdi.
Layihənin ideya müəllifi, millət vəkili Sahib Alıyev çıxışında işğal faktorundan əziyyət çəkən uşaqların cəmiyyətə lazımi səviyyədə inteqrasiya olunmaları üçün onlarla düzgün psixoloji işin aparılmasının vacibliyini önə çəkib. Müzakirələrə qatılan digər natiqlər də haqqında danışılan layihənin əhəmiyyətini vurğulayaraq, fikir və təkliflərini səsləndiriblər.
Tədbiri yekunlaşdıran Günel Səfərova irəli sürülən təkliflərin dəyərləndiriləcəyini və icra olunan layihənin əhatə dairəsini daha da genişləndirməyə çalışacaqlarını diqqətə çatdırıb.
