AzMİU-da beynəlxalq elmi konfrans öz işinə başlayıb

Mayın 23-də Azərbaycan Memarlıq və İnşaat Universitetinin (AzMİU) Xidmət sahələrinin iqtisadiyyatı və menecment kafedrasının təşkilatçılığı  ilə “Şaxələndirilmiş iqtisadiyyatın infrastruktur təminatı: əsas meyllər və inkişaf istiqamətləri”  mövzusunda Beynəlxalq elmi konfrans öz işinə başlayıb.

Aktor.Az-ın  məlumatına görə, konfransda beynəlxalq qurumların ölkəmizdə fəaliyyət göstərən nümayəndəliklərindən, dünyanın müxtəlif ölkələrinin universitetlərindən (Türkiyə, Rusiya, İran, Qazaxıstan, Özbəkistan),  o cümlədən, ölkəmizdə fəaliyyət göstərən aparıcı ali təhsil müəssisələrindən, elmi-tədqiqat institutlarından, elmi mərkəzlərdən, müxtəlif təşkilatlardan nümayəndələr, görkəmli alimlər iştirak ediblər.

Universitetin rektoru, professor Gülçöhrə Məmmədova ümummilli lideri Heydər Əliyev tərəfindən əsası qoyulmuş və Prezident İlham Əliyev tərəfindən uğurla həyata keçirilən sürətli inkişaf strategiyasından danışıb. Milli iqtisadiyyat və iqtisadiyyatın əsas sektorları üzrə strateji yol xəritələrində iqtisadiyyatmızın şaxləndirilməsi ilə bağlı müəyyən olunmuş vəzifələrin uğurla yerinə yetirilməsi müvafiq yönümlərdə infrastruktur təminatının keyfiyyətcə yeni səviyyəyə yüksəldilməsinin nəzərdə tutulduğunu bildirib.

Konfrans plenar iclasda öz işini davam etdirib. Plenar iclasda Milli Məclisin iqtisadi siyasət, sahibkarlıq və sənaye komitəsinin sədri Ziyad Səmədzadə, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev, Rusiya Federasiyası İdarəeetmə, Biznes və Hüquq Universitetinin (Cənub Universitetinin) rektoru, professor İmran Ələkbərov geniş məruzələrlə çıxış ediblər.

Qeyd edək ki, beynəlxalq elmi konfransda 6 bölmədə 140-dan çox məruzə dinləniləcək və konfrans mayın 24-də başa çatacaq.