Gürcüstanın müxalif Vahid Milli Hərəkat Partiyası (VMHP) Marneuli rayon bələdiyyə məclisinin üzvü Rəhim Əsgərovun saxlanılmasını təxribat adlandırıb.
Bu barədə VMHP-nin liderlərindən biri Zurab Melikişvili bu gün keçirdiyi xüsusi brifinqdə bildirib.O, hökuməti müxalif partiyaya qarşı təxribat təşkil etməkdə ittiham edib:
“Rəhim Əsgərov kimisə işə düzəltmək səlahiyyətinə malik olmayıb. Buna görə də onun bu məqsədlə rüşvət alması mümkün deyil”.
Z.Melikişvilinin sözlərinə görə, R.Əsgərovun saxlanılması ilə hökumət opponentlərini təqib etməklə müxalifətçilərin sayının azaldılması məqsədini güdür.
