Çeçenlər yenidən azərbaycanlılara hücum etdi – MOSKVADA
Ötən gün martın 12-də axşam üç naməlum şəxs Moskvanın Krasnıy Zor küçəsində şin montajı emalatxanasının əməkdaşlarına hücum edib.
Hücum edənlər iki azərbaycanlıya bıçaqla zərbələr endiriblər və qaçıb gizləniblər. Habelə silah səsləri eşidilib. Hücumun səbəbi bəlli deyil.
Polis əməkdaşları Aminyevsk şossesində şübhəlilərdən birini tutublar. Onun “Mercedes” avtomobilində hərəkətdə olduğu bildirilir. İlkin məlumata görə saxlanılan şəxs Çeçenistan sakinidir və Moskvada yaşayır.
Yaralılar kəllə-beyin travmaları, kəsilmiş-deşilmiş yaralar və odlu silah yaraları ilə xəstəxanaya yerləşdiriliblər. Hücum edənlər travmatik tapança tətbiq edib. Hadisə ilə bağlı cinayət işi qaldırılıb.
Xatırladaq ki, bir neçə həftə əvvəl Moskvada çeçenlərlə azərbaycanlılar arasında ciddi münaqişə olmuşdu. (Virtualaz.org)
