Finlandiya parlamentində Xocalı soyqırımı məsələsi qaldırılacaq
Diasporla İş üzrə Dövlət Komitəsinin dəstəyi ilə Skandinavia Azərbaycanlılarının Koordinasiya Şurasının Finlandiya uzrə əlagələndiricisi Ülviyyə Cabbarovanın təşkilatçılıgı ilə Finlandiyanın paytaxtı Helsinkidə Xocalı Soyqırımının 27-ci il dönümü ilə əlaqədar anım günü keçirilmişdir.
Aktor.Az xəbər verir ki, tədbirdə Finlandiyada yaşayan azərbaycanlılarla yanaşı, Finlandiya ictimaiyyətinin təmsilçiləri, Azərbaycan Respublikasının İsveç Krallığındakı səfirliyinin əməkdaşları, Finlandiya diplomatik korpusunun nümayəndələri və.d. qonaqlar iştirak etmişdirlər.
Azərbaycan, İngilis və Fin dilində keçirilən tədbir Azərbaycanın dövlət himninin səsləndirilməsi və şəhidlərin əziz xatirəsinin bir dəqiqəlik sükutla yad edilməsi ilə başlamışdır. Finlandiya Azərbaycanlıları Koordinasiya Şurasının Əlaqələndiricisi Ülviyyə Cabbarova çıxışında Xocalı soyqırımı haqqnda tədbir iştirakçılarına geniş məlumat vermişdir.
