İstanbulda azərbaycanlıların qan davası – 6 nəfər öldürüldü / FOTOLAR
İstanbulda cinayəti araşdıran polis iki azərbaycanlı qrup tərəfindən törədilən silsilə cinayəti ortaya çıxarıb.BakuPost xarici KİV-ə istinadən xəbər verir ki, 2018-ci il avqustun 8-də İstanbulda azərbaycanlı Gəncəli Əliyev qətlə yetirilib.
Qatil həmin vaxt hadisə yerindən qaçmağa nail olub.
Aparılan araşdırmalar zamanı hadisəni törətməkdə şübhəli bilinən 31 yaşlı azərbaycanlı Sahib M saxlanılıb.
Uzun müddətli axtarışdan sonra bəlli olub ki, cinayətin törədildiyi məhəllədə bir müddətdir azərbaycanlılar arasında silahlı insidentlər yaşanır.
Belə ki, 2015-ci il dekabrın 9-u, yerli vaxtla 23:30-da Sultanqazi 50-ci İl məhəlləsində Sahib M.-nin böyük qardaşı Ramil M. şəxsi ədavət zəminində Natiq G. və atası Yapon G.-ni qətlə yetirib.
2015-ci il yanvarın 15-də Sahib M. iki dostu ilə birlikdə qardaşının qətlində şübhəli bildiyi Misirxan Əliyevi Qaziosmanpaşada güllələyərək, öldürüb.
Elə həmin ilin avqustun 8-də Sahib M. bu dəfə Gəncəli Əliyevi həmin məhəllədə qətlə yetirib.
Avqustun 22-də isə Sahib M.-in qohumu olduğu deyilən Ramil Məmmədov öldürülüb. Bu hadisədə təqsirli bilinən Asif A. saxlanılıb.
Dindirilmə zamanı Sahib M. ona qarşı irəli sürülən ittihamı qəbul etməyib. Və həbs edilib
