Vüqar Həşimov Şahmat Fondu mərhum şahmatçının adını daşıyan klub təsis edib.Azərbaycan Şahmat Federasiyasından Aktor. Az-a verilən məlumata görə, “Vüqar Həşimov” klubu ilk dəfə Monteneqroda klublararası Avropa Kubokunda mübarizə aparacaq.
Sərxan Həşimovun rəhbəri olduğu komandada üçqat Avropa çempionu Rauf Məmmədov, beynəlxalq qrossmeysterlər Vüqar Əsədli, Ülvü Sadıqov, beynəlxalq usta Anar Allahverdiyev, 14 yaşlılar arasında dünya çempionu Aydın Süleymanlı, beynəlxalq usta Əhməd Əhmədzadə və ukraynalı qrossmeyster Nataliya Buksa iştirak edəcəklər.
Qeyd edək ki, Anar Allahverdiyev klubda oynayan məşqçi olacaq. Noyabrın 9 – 17-də keçiriləcək yarış 7 turdan ibarətdir.
