AfişaAvtoDiasporDinDünyaƏdəbiyyatFotoİdmanİqtisadiyyatKinoKÖŞƏKriminalManşetMediaMədəniyyətMüsahibəSağlıqSiyasətSosialŞou-biznesTexnologiyaTəhsilXəbər xəttiНА РУССКОМ

66 624 abonentin qaz təminatı dayandırılıb

Əhali sektoru üzrə satılan qazın dəyəri tam yığılmaqla aprel ayı ərzində 664 min manat, may ayı ərzində 5257 min manat, iyun ayı ərzində isə 3538 min manat debitor borc yığılıb.

 

Aktor.Az-ın məlumatına görə, bu barədə “Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi”nin yarımillik monitorinq və qiymətləndirmə hesabatında deyilir.

 

Qanunvericiliklə nəzərdə tutulmuş qaydada iddiaların qaldırılması üçün aprel ayı ərzində 550 abonent üzrə 473 min manat, may ayı ərzində 1408 abonent üzrə 1449 min manat, iyun ayları ərzində isə 627 abonent üzrə 354 min manat debitor borc siyahısı hazırlanıb. 399 abonentə məhkəmə iddiası qaldırılıb. Təbii qazdan istifadəyə görə yaranmış borcun ödənişini təmin etməyən 66 624 abonentin qaz təminatı dayandırılıb.

 

Qeyri-əhali sektoru üzrə satılan qazın dəyəri tam yığılmaqla may ayı ərzində 6755 min manat, iyun ayı ərzində isə 4091 min manat debitor borc yığılıb.

 

14 nazirlik və 12 digər büdcə təşkilatları üzrə 32 302 min manat borcun ödənilməsi üçün həmin təşkilatlara rəsmi müraciət olunub.

 

Hesabatda qeyd olunur ki, qanunvericiliklə nəzərdə tutulmuş qaydada iddiaların qaldırılması üçün aprel ayı ərzində 155 müəssisə üzrə 12 921 min manat, iyun ayı ərzində isə 328 müəssisə üzrə 2240 min manat debitor borc siyahısı təqdim olunub. 96 müəssisəyə məhkəmə iddiası qaldırılıb.

 

“Azəristiliktəchizat” ASC üzrə 89 532 min manat borcun ödənilməsi və 01.05.2017-ci il tarixə yaranmış borc qalığı barədə qarşılıqlı hesablaşmalar üzrə üzləşmə aktının təsdiq olunması üçün “Azəristiliktəchizat” ASC-yə rəsmi müraciət olunub.

 

Abonentlərin saldosuna əsasən sərfiyyatlar araşdırılıb, sərfiyyatında kənarlaşma və ya şübhə doğuran abonentlərin sayğaclarına və qaz təsərrüfatına yerində baxış keçirilib, elektron tipli sayğacların elektron arxiv məlumatları araşdırılıb, aşkar edilmiş qeyri-qanuni istifadə hallarının (sayğaca müdaxilə, sayğacdan kənar xətt vasitəsilə istifadə, sayğacsız qazdan istifadə, layihədən kənar cihazların quraşdırılması ilə sərfiyyata uyğun olmayan sayğac vasitəsilə qazdan istifadə, sayğacın üfüqi vəziyyətə gətirilməsi ilə qazdan istifadə) nəticəsində yaranan itirilmiş qaz həcminin bərpası məqsədilə aktlar tərtib edilib.

 

Qeyri-qanuni qazdan istifadəyə görə tərtib olunmuş təbii qazdan istifadə qaydalarının pozulmasına dair akta əsasən dəymiş ziyanın bərpası üzrə hesabatın verilməsi, qeyri-qanuni istifadə halının və dəymiş ziyanın ödənişinin təmin edilməsi məqsədilə tələbnamələr hazırlanıb. Belə ki, 2017-ci ilin 6 ayı ərzində aşkar edilmiş qeyri-qanuni istifadə hallarının nəticəsində yaranan itirilmiş qaz həcminin bərpası məqsədilə “Azəriqaz” İB-nin əməkdaşları tərəfindən 11486 akt tərtib edilib. Qazdan qeyri-qanuni istifadə hallarının nəticəsində dəymiş 543 508,6 manat (27 175 443 kubmetr) ziyanın ödənişinin təmin edilməsi məqsədilə müvafiq tələbnamələr hazırlanıb və ödənilməsi üçün abonentlərə təqdim olunub.