KriminalXəbər xətti

Oğuzda 27 yaşlı müəllim intihar etdi

Ötən gün aşxam saatlarında rayonun Bayan kəndində intihar faktı qeydə alnıb.27 yaşlı Qəribə Allahverdi qızı Mikayılovanın meyiti yaşadığı evin həyətyanı sahəsində asılı vəziyyətdə tapılıb.
Kəndin icra nümayəndəsi Mehman Mikayılovun “Ölkə.Az”-a verdiyi məlumata görə, mərhumun meyiti qayınanası tərəfindən aşkar edilib.
“Q.Mikayılovanın qayınanası ilə qayınatası qonşuluqda xəstə yanına gediblər. Qayıdanda isə dəhşətli mənzərənin şahidi olublar. Qadının həyat yoldaşı mənim uzaq qohumumdur. Əri Aydın, rayonda yerləşən zavodda mexanik işləyir. Təminatlı ailə olublar. Q.Mikayılova kənd məktəbində müəllimə işləyib, 2 azyaşlı övladları var. Qız özü Oğuzun Top kəndindəndir. Münaqişəli ailə olmayıblar”.
Faktla bağlı Oğuz rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.