DiasporGündəmManşetTəhsilXəbər xətti

Xeyriyyə Fondu bir qrup tanınmış alimi, ziyalını, həmçinin tələbə və şagirdləri mükafatlandırıb

2017-ci il dekabrın 26-da Gürcüstanda yaşayan soy­daş­larımıza maddi və mənəvi yardım gös­tərmək
məqsədilə görkəmli Azərbay­can ali­mi, məşhur dilçi, tanınmış türkoloq, zəh­mət­keş tədqiqatçı, Nyu-York Elmlər Akade­mi­yasının akademiki, uzun müddət Azər­bay­can Ali Hərbi Dənizçilik Məktə­bin­də
“Dil­lər” kafedrasının müdiri və Azər­­baycan Res­publikasının Prezidenti yanında Ali Attes­ta­siya Komissiyasının Ekspert Şura­sının üzvü olmuş filologiya elmləri doktoru, professor Mədəd Namaz oğlu Çobano­vun anadan olma­sının 80 illik yubileyi şərəfinə təsis olunmuş“Professor Mədəd Çobanov adına XEY­RİY­YƏ FON­DU”nun ikinci iclası keçirilib.

Bu barədə mətbuata Fondun icraçı direktoru Müşfiq Borçalı məlumat verib. O, bildirib ki, Azərbaycan Respublikası “Təhsil” Mərkəzinin – “XXI Əsrin Ziyalıları” MMC, “Vetenim.info” MMC, “Şərqin səsi” qəzeti, “Ziya”(ZiM.Az) və “Zirvə” (Zirve.info) İnformasiya Mərkəzlərinin birgə təşəbbüsü və təşkilat­çılığı ilə yaranan Fondun təsis olunmasında əsas məqsəd Gürcüstanda yaşayan soydaş­larımıza, xüsusilə də yaradıcı gənclərə, tələbə və şagirdlərə maddi və mənəvi yardım göstərməkdir.

 

Fondun 2017-ci il oktyabrın 16-da keçirilmiş ilk iclasında qərara alınmışdı ki, yaxın və qısa bir müddətdə işçi qrupu tərəfindən Fondun Nizamnaməsi, Əsasnaməsi, strukturu, gələcək fəaliyyət Proqramı hazırlanıb müzakirəyə təqdim olunsun.

İlk iclasda o da qərara alınmışdı ki, Gürcüstanda yaşayan soydaşlarımızın milli kadrlara olan ehtiyaclarını qismən də olsa ödəmək məqsədilə ali məktəblərdə, xüsusilə də, vaxtilə Mədəd Çoba­novun ali təhsil aldığı və sonralar uzun müddət müəllim, dosent və professor vəzifələrində çalışdığı – indiki İlya adına Tbilisi Dövlət Unuversitetində (keçmiş A.S.Puşkin adına, sonralar S.S.Orbeliani adına Tbilisi Dövlət Pedaqoji Universitetində), eləcə də Bakı Dövlət Universitetində, Azərbaycan Dövlət Pedaqoji Universitetində və digər ali müəssisələrində təhsil alan
5 nəfər tələbəyə “Professor Mədəd Çobanov adına Təqaüd”, vaxtilə Mədəd Çobanovun təhsil aldığı və
ilk pedaqoji fəaliyyətə baş­ladığı Bolnisi rayonundakı Darvaz kənd orta məktəbində oxuyan 5 nəfər şagirdə isə “Professor Mədəd Çobanov adına Mükafat” verilsin.

Budur, artıq həmin qərarlar müvafiq olaraq yerinə yetrilir.

Fondun 2017-ci il dekabrın 26-da keçirilmiş ikinci iclasında qərara alınıb ki,

Fondun Fəxri sədri, Nəsimi adına Dilçilik İnstitutunun direktoru,
akademik Möhsün Nağısoylu,

Fondun Mükafat Komitəsinin sədri, Azərbaycanda Atatürk Mərkəzinin rəhbəri,
Millət vəkili, akademik Nizami Cəfərov

və tanınmış ictimai xadim Güləhməd Qəribov“2017-ci il iyunun 12-də Azərbaycanda Atatürk Mərkəzində
Professor Mədəd Çobanovun anadan olmasının 80 illik Yubileyinə həsr olunmuş
Elmi Sessiyanın yüksək səviyyədə təşkilinə göstərdiyi xidmətlərə görə”;
Gürcüstan Parlamentinin deputatı Ruslan Hacıyev,
Gürcüstan Azərbaycanlı Jurnalustlər Birliyinin sədri Nizami Məmmədzadə,
və professor Mahmud Kamaloğlu (Hacıxəlilov)

“2017-ci il avqustun 22-də Gürcüstanın Marneuli şəhərindəki
“Çay Evi – Muğam” Tədris-Mədəniyyət Mərkəzində
Professor Mədəd Çobanovun anadan olmasının 80 illiyinə həsr olunmuş
Yubiley tədbirinin yüksək səviyyədə təşkilinə göstərdiyi xidmətlərə görə”;

Gürcüstan Azərbaycanlılarının Mədəniyyət Mərkəzinin rəhbəri Fazil Həsənov,
və Gürcüstan Azərbaycanlıları Konqresinin sədri Hüseyn Yusifov

“2017-ci il avqustun 25-də Gürcüstan Azərbaycanlıları Konqresində (GAK)
böyük alim, tanınmış tədqiqatçı, görkəmli dilçi-türkoloq,
Nyu-York Elmlər Akademiyasının akademiki, filologya elmləri doktoru,
professor Mədəd Çobanovun anadan olmasının 80 illik yubleyi ilə
bağlı təntənəli tədbirin keçirilməsində göstərdiyi xidmətlərə görə”;

Gürcüstanın Bolnisi rayonundakı Darbaz kənd orta məktəbinin direktoru Müseyib Qənbərov,
və həmin məktəbinin direktor müavini Raqif Əhmədov

“2017-ci il oktyabrın 2-də Gürcüstanın Bolnisi rayonundakı Darbaz kənd orta məktəbində
müasir Azərbaycan filoloji və pedaqoji elminin tanınmış nümayəndəsi,
Nyu-York Elmlər Akademiyasının akademiki, görkəmli dilçi və türkoloq alim,
filologiya elmləri doktoru, professor Mədəd Çobanovun anadan olmasının
80 illik yubileyinin yüksək səviyyədə təşkilinə görə”

31 Dekabr – Dünya Azərbaycanlılarının Həmrəyliyi günü və Yeni il Bayramı münasibətilə
“Professor Mədəd Çobanov adına Xeyriyyə Fondu”nun
İdarə Heyətinin FƏXRİ FƏRMANI 
ilə təltif olunsunlar.

Elə həmin iclasda o da qərara alınıb ki, Borçalı və Borçalıların təbliğində
xüsusi xidmətlərinə görə bir qrup şəxs, o cümlədən,

Zim.Az saytının əməkdaşı – Firəngiz xanım İbadova
“Sosial şəbəkələrdə Borçalının və Borçalıların təbliğində göstərdiyi xidmətlərinə görə”;
“Borçalı” nəşriyyatının ədəbi redaktoru – İlyas Əfəndi Vəfalı
“Dədəmiz Dədə Mədəd” şeirinə və eləcə də, Borçalının və Borçalıların təbliğində
göstərdiyi xidmətlərinə görə”;
‘Ziya” qəzetinin əməkdaşı, “Borçalı” nəşriyyatının və Zim.az saytının texniki redaktoru Etibar Ovçuyev
“Borçalının və Borçaləların təbliğində gösrərdiyi xüsusi xidmətlərinə görə”

“Professor Mədəd Çobanov adına Xeyriyyə Fondu”nun təsis etdiyi
“Professor Mədəd Çobanov adına FƏXRİ DİPLOM” və “PUL MÜKAFATI” ilə
təltif olunsunlar.

Eyni zamanda, “Professor Mədəd Çobanov adına Xeyriyyə Fondu”nun Təqaüd Komitəsi
qərara alıb ki, bir qrup tələbə, o cümlədən,

BDU-nun Hüquq fakültəsinin IV kurs tələbəsi Aytac Mədədli (Darvaz),
BDU-nun fililogiya fakültəsinin II kurs tələbəsi Elida Muxayeva (Baydar), 
Azərbaycan Dövlət Pedaqoji Universitetinin fililogiya fakültəsinin
lV kurs tələbəsi Aytac İsmayılova (Faxralı),
Azərbaycan Dövlət Pedaqoji Universitetinin fililogiya fakültəsinin
lV kurs tələbəsi Aytac Nurməmmədova (Sadaxlı),
Tbilisi Dövlət Universitetinin I kurs tələbəsi Yaşar Əsgərov (Qaracalar)
 və
Tbilisi İlia adına Dövlət Universitetinin lV kurs tələbəsi Elməddin Məmmədov (Darbaz)“Təhsildə əldə etdiyi nailiyyətlərə və respublikanın ictimai həyatınında fəal iştirakına görə”;

 

eləcə də, Gürcüstanın Bolnisi rayonundakı Darbaz kənd orta məktəbinin 5 nəfər şagirdi –
Mahnur Əliyeva, Ələddin Qəribov, Sirin Cobanova, Zaman Nəbiyev və İntizam Məmmədov“Təhsildə əldə etdiyi nailiyyətlərə və məktəbin ictimai həyatında fəal iştirakına görə”31 Dekabr – Dünya Azərbaycanlılarının Həmrəyliyi günü və Yeni il Bayramı münasibətilə

“Professor Mədəd Çobanov adına Xeyriyyə Fondu”nun təsis etdiyi

“Professor Mədəd Çobanov adına FƏXRİ TƏQAÜD”lə təltif olunsunlar.

Yaxın zamanda Fəxri Fərmanlar, Fəxri Diplomlar, Pul Mükafatları və Fəxri Təqaüdlər sahiblərinə çatdırılacaq.
Növbəti mükafatlandırma mərasminin Novruz Bayramı ərəfəsində keçirilməsi nəzərdə tutulub.

Fondun icraçı direktoru Müşfiq Borçalı həmçinin, onu da bildirib ki, Gürcüstanda fəaliyyət göstərən Azərbaycan dilli orta məktəblərə, Mədəniyyət Mər­kəzlərinə, mətbuat orqanlarına yardım etmək,
Gürcüstanda yaşayan ziyalılarımızın, yaradıcı soydaşlarımızın yubi­leylərini keçirmək, onları mükafatlandırmaq,
“Ən yaxşı müəllim”, “Ən yaxşı jurnalist”, “Ən yaxşı mədəniyyət işçisi” və s. müsabiqələri keçirmək,
qalibləri “Professor Mədəd Çobanov adına Fəx­ri diplom”la mükafatlandırmaq,
şair və yazıçıların əsərlərindən ibarət kitablar, alma­nax və məc­muə­lər çap etmək,
ULU BORÇALImızdakı, eləcə də Gürcüstandakı bu və ya digər QƏDİM kənd­lərimizlə,
el-obalarımızla, bir sözlə, toponimlərimizlə, həmçinin bu bölgənin məşhur ziyalıları ilə bağlı
Ensiklopedik xarakterli kitablar hazırlayıb nəşr etmək və s. nəzərdə tutulub.

Qeyd edək ki, professor Mədəd Çobanovun anadan olmasının 80 illik yubileyi
Bakıda, Tiflis­də, Borçalıda – Marneulidə və Bolnisidə yüksək səviyyədə qeyd olunub.
Tez-tez doğma Borçalıya baş çəkən yubilyar, bu yaxınlarda Bolnisi rayonunda olub,
vaxtilə dünyaya göz açdığı və ilk orta təh­sil aldığı Darvaz kəndindəki ictimai məktəbdə
müəllim və şagirdlərlə görüşüb, onlara müəllifi oldu­ğu çoxsaylı kitablarını, eləcə də,
müəllimlər üçün vəsaitlər, şagirdlər üçün məktəbli ləva­zimatları və s. hədiyyə edib.

Professor Mədəd Çobanov görüş zamanı bildirib ki, doğma məktəbinə xeyriyyə tədbirləri
bundan sonra da müntəzəm olaraq davam edəcək./ZİM.AZ