ƏdəbiyyatMədəniyyətSabir FonduXəbər xətti

Sabir Fondunun növbəti təlimlərinə yekun vurulub

Mirzə Ələkbər Sabir Fondu həyata keçirdiyi təlimlərin nəticələri barədə açıqlama yayıb. Aktor.Az xəbər verir ki, qurumun xətti ilə layihə çərçivəsində təşkil olunan növbəti təlimə yekun vurulub.

Qeyd edilib ki, təlim Bakı Humanitar Kollecində baş tutub. “CV və rezümelərin hazırlanması, iş müsahibəsində uğur qazanma metodları” adlanan seminarı tanınmış təlimçi Sənan Nəcəfov keçib. Təlim “Gənclər üçün fərdi inkişaf təlimlərinin yeni model texnologiyalarla (NLP, yaşam kouçluğu, taym-menecment, personalogiya və s) habelə youtube, veb-nar, skype konfransla keçirilməsi” layihəsinə uyğun reallaşıb. Həmin layihəni Azərbaycan Respublikası Prezidenti yanında QHT-lərə dövlət Dəstəyi Şurası maliyyələşdirib. Layihə üzrə 8 təlim və 2 ustad dərsinin keçirilməsi nəzərdə tutulub.