ƏdəbiyyatManşetMədəniyyətSabir FonduXəbər xətti

Sabir Fondunun növbəti təlimi uğurla başa çatıb

Mirzə Ələkbər Sabir Fondunun xəttilə Bakı Humanitar Kollecində keçirilən növbəti təlim uğurla başa çatıb. Fondun prezidenti Sevda Tahirlinin Aktor.Az-a verdiyi məlumata görə, təlimlərdə NLP texnikaları ilə ünsiyyətin mükəmməl qurulması diqqət mərkəzində olub.

Təlimdə NLP qanunları, prinsiplər, bu sahədə texniki imkanlardan maksimum istifadə barədə geniş məlumat verilib. İştirakçılar təlimin sonunda müxtəlif diqqət və yaddaş texnikaları ilə tanış olublar. Bu, sayca 8-ci təlimdir.Seminarı tanınmış təlimçi Sənan Nəcəfov aparıb. Layihə belə adlanır – “Gənclər üçün fərdi inkişaf təlimlərinin yeni model texnologiyalarla (NLP, Yaşam Kouçluğu, taym-menecment, personalogiya və s.), habelə youtube, vebi-nar, skype konfransla keçirilməsi”.

Layihəni Azərbaycan Respublikası Prezidenti yanında Qeyri -Hökumət Təşkilatlarına Dövlət Dəstəyi Şurası  maliyyələşdirir.

Qeyd edək ki, Bakıda daha bir təlim və Şirvanda bir ustad dərsi keçiriləcək. Layihə 6 ay müddətə nəzərdə tutulub. Layihənin sonunda iştirakçılara sertifikat və hədiyyə təqdim olunacaq.