YAP və “Veysəloğlu” əsgərləri ziyarət ediblər – FOTOLAR

Veysəloğlu Şirkətlər Qrupu və Yeni Azərbaycan Partiyası (YAP) Nizami, Nəsimi və Nərimanov rayonu təşkilatlarının birgə təşəbbüsü ilə qarşıdan gələn 31 Dekabr Dünya Azərbaycanlılarının Həmrəylik Günü, eləcə də yeni il bayramı öncəsi Tərtər rayonundakı “N” saylı hərbi hissədə olub, əsgər və zabitlərlə görüş keçiriblər.

Aktor.Az xəbər verir ki, əvvəlcə qonaqlar cəbhəyanı və cəbhədə xidmət göstərən əsgərlərimizin məişət şəraiti ilə maraqlanıb, hərbi hissədə əsgərlər üçün yataqxana və yeməkxanada yaradılmış şaraiti qonaqlara əyani olaraq tanış olublar.

Qeyd edək ki, görüşdə YAP Nəsimi rayon təşkilatının sədri, Milli Məclisin deputatı Məlahət İbrahimqızı, YAP Nizami rayon təşkilatının sədri, Milli Məclisin deputatı Sədaqət Vəliyeva, YAP Nərimanov rayon təşkilatının sədr müavini İradə Mahmudova, YAP Qadınlar Şurasının sədr müavini Məhəbbət İbrahimova əsgərlərimizin xidməti, məişət şəraiti ilə maraqlanıb, əsgərlərlə söhbətlər aparıb, onlara bayram təbriklərini çatdırıblar.

Görüşdə Bakının orta məktəblərində təhsil alan şagirdlərin ürək sözlərinin əks olunduğu məktublar əsgərlərə paylanılıb. Əsgərlər aldıqları məktubu yerindəcə oxuyaraq, böyük qürur hissi keçirdiklərini və ruhlandıqlarını bildiriblər.

Sonda Veysəloğlu Şirkətlər Qrupunun əsgərlər üçün göndərilən bayram sovqatı onlara təqdim olunub, qarşıdan gələn bayramları təbrik edilib.

 

 

 

.