Sabirin gəlini dəfn olundu – FOTOLAR

Görkəmli Azərbaycan şairi Mirzə Ələkbər Sabirin gəlini, Azərbaycan Dövlət Pedaqoji Universitetinin dosenti, əməkdar müəllim Zemfira Tahirli dünyasını dəyişməsi barədə məlumat vermişdik.

Aktor.Az-ın suallarını cavablandıran şairin nəvəsi, eyni zamanda Sabir Fondunun prezidenti Sevda Tahirli bildirib ki, anasının nəşi bu gün Amerikdan gətiriləcək və Şamaxıda Yeddi Günbəz qəbristanlığında atası Məmmədsəlim Tahirlinin (M.Ə.Sabirin oğlu –red.) yanında dəfn olunacaq.

Aldığımız son məlumata görə, bu dəqiqələrdə Zemfira Tahirlinin dəfn mərasimi keçirilir.

Qeyd edək ki, mərhum Amerikada yaşayırdı və burada müalicə alırdı.

Diqqətə çatdıraq ki, Zemfira Tahirlinin cümə axşamı məclisi avqustun 17-də saat 12-dən başlayaraq (həm kişilər, həm də qadınlar üçün ) Heydər Məscidinin 3-cü mərtəbəsində olacaq.

Allah rəhmət eləsin!