Bir qrup media nümayəndəsi Sumqayıtda olub-FOTOLAR
Sumqayıtın şəhər statusu almasının 69 illiyi münasibəti ilə noyabrın 24-də bir qrup kütləvi informasiya vasitələrinin nümayəndələri üçün Sumqayıt şəhərinə media-tur təşkil edilib.
Media nümayəndələrinə son dövrlər Sumqayıt şəhərində həyata keçirilən abadlıq-quruculuq işləri ilə bağlı geniş məlumat verilib, yeni istifadəyə verilən sosial obyektlərlə yaxından tanışlıq olub.
Heydər Əliyev parkında, Heydər Əliyev Mərkəzində, Şahmat məktəbində, Uşaq İncəsənət Məktəbində, “Kimyaçı” mədəniyyət sarayında, Sumqayıt bulvarında, Bayraq Muzeyində, Sumqayıt Dövlət Dram Teatrında olan media nümayəndələrinə görülmüş işlərlə bağlı geniş məlumat verilib, onları maraqlandıran suallar cavablandırılıb.
Səfər çərçivəsində jurnalistlər Hacı Zeynalabdin qəsəbəsində yeni istifadəyə verilən nümunəvi həyətin açılışında da iştirak ediblər.
